تجربة

كنت بجرب طرق للتلوين طلعت دي

منين

يا قدس.. قولي لحيطانك
اثبتي بقوة
حيحررك ابنك.. اللي أنا مانيش هو
لا تبحثي عن حلول
الحل من جوا
الحل من جوا

من قصيدة القدس

عبد الرحمن الابنودي

تعليق

مصر هي

هي هي هييي هييييييييييييي

(ضحكة رقيعة)

خيال

لتحقيق احلامكم التي قد تضيع مع الذاكر

سنجعل لحظات ماضيكم اقرب الى الواقع

نقاط هي......................................

التدونية رقم 100

هي مش رقم 100 بالظبط يعني لان دي مش اول مدونة كنت مدون قديم وبعد كدة قفلت المدونة القديمة والمدونة دي كنت مسحت كل اللي عليها في لحظات اكتئابية بحتة قبل كدة.. بس برضو اهو انجاز ان الواحد وصل للتدوينة رقم 100 هنا بس برضو ممكن مانقولش عليها تدوينة ممكن تجميعة لان اغلب التدوينات اللي هنا تجميع لشعر وكلمات بتعجبني وكلمات ليا انا شخصيا ..عامة هو الموضوع دة يفرق على حسب تصنيف كل واحد للتدوين معناة ايه

----------------

حين يقولون لي ما يحدث في عالم من الناس البشر قد انفعل او قد تشتعل النيران في افكاري.. لكنني في العموم لا اسكن عقلي معهم وان كنت متواجد .. من يعرف هذا وقليليون هم من يعلمون هذا يدركون حقيقة انني مازلت استوطن السحاب مملكة لي.. اشاهد الناس البشر من الاعلى .. قد يود من بمكاني ان ينظر اليهم ويضحك او يبتسم او على اقل التقدير يريح اعصابه.. لن يفعل ما فعلته من نسيان موقعي و اجتماعي بالجميع لانال صفعات وقبضات معظمهم لكن الخير ان مالا يقتلك يجعلك اقوى

كصقر احيا هناك.. لا بأس من اصابتي بالطلقات من حين لاخر.. لكنك ان درست صفات الصقر تعلم ان في لحظة واحدة قد تنقلب الموازيين

ويكيمانيا

اه

مؤتمر الويكيمانيا السنة دي في مكتبة الاسكندرية

شبق

شبق

يفتح الصنبور إلى آخره
هكذا لن يضطر إلى فرك يديه
ينظر إلى انسياب الدماء عبر المياه
دماءها؟
بهمس بالكلمة لنفسه
دماءها؟
يغلق الصنبور في هستيريا
يحاول جمع الدماء من الحوض
تمنع الفراغات بين أصابعه من احتجاز المياه
تذوب الدماء

في تضاريس جبال وجهه الصلبة
الملطخة باللون السائد للمكان
يتدفق نهران من الملح المائع
يزيلا آثار الطعم المعدني من على لسانه

يحتضن نفسه
يتحسس جراحه الغائرة بكفه
يدس أصابعه في جراحه المدماه
صرخة الم
تذوب معه في سواد الغيبوبة

ياسر خاطر

سكر بنات

عجقة سير وسيارات وصوت سكاربينات

وإيدين تغني فيهن سكر يا بنات

هالكحل اللي بعينيهن وهالشفاف السمر

عم بتبوس بإيديهن هالأقلام الحمر

جاية هدية حبيبك على جنح الطير

باعتلك نسمة تجيبك بعجقة هالسير

باعتلك نسمة تشيلك فوق هالطرقات

عجقة سير وسيارات وصوت سكاربينات

وإيدين تغني فيهن سكر يا بنات... سكر يا بنات

من فيلم سكر بنات

غناء رشا رزق

Wait! Here comes the crescendo!

ابتسم فلك الابتسام

احب ان ارى الناس يضحكون كثيرا

لاننى عادة احتفظ بالضحكة الاخيرة لي

The Black Superman

في العالم العربي تعيش

في العالم العربي تعيش
كما قط ساكن تحت عربية
عينيه ما تشوفش م الدنيا دي حاجة الا الجزم
في العالم العربي تعيش
كما بهلوان السيرك تحتك بهلوان دايس عليه
وفوق دماغك بهلوان دايس عليك
والكل واقف محترم
في العالم العربي تعيش،
مباراة بقى لها ألف عام
لعيبة تجري يمين شمال
والكورة طول الوقت في إدين الحكم
في العالم العربي، تقول للبنت حبيتك
وتبقى البنت بتحبك، وبتموت فيك
تناولك بالألم
في العالم العربي تعيش
تشتم في طعم المية والطعمية والقهوة وروادها وفى مراتك وأولادها وحر وزحمة الأتوبيس
وفي اللي بيعمله إبليس، وفي التفليس
ولو سألوك تقول الحمد لله ربنا يديمها نعم

في العالم العربي تعيش، كما دمعة في عيون الكريم المحنة تطردها يرجعها الكرم
في العالم العربي تعيش تلميذ في حوش المدرسة من غير فطار عينه على الشارع وبيحيي العلم
في العالم العربي تعيش، بتبص في الساعة وخايف نشرة الأخبار تفوت
علشان تشوف ع الشاشة ناس
في العالم العربي
تموت

تميم البرغوثي

تلات حروف

قالولي بتحب مصر فقلت مش عارف
لا جيتها سايح ولا ني أعمى مش شايف
ولاني هايف ارد بخفة وبسرعة
وكل من رد يا كذاب يا هايف

أصل المحبة بسيطة ومصر تركيبة
ومصر حلوة ومُرَّة وشرحة وكئيبة
دا نا اختصر منصب الشمس وأقول شمعة
ولا اختصر مصر وانده مصر يا حبيبة

من قصيدة

قالولي بتحب مصر

تميم البرغوثي

ع الوعد متصاحب

الكره ليه صاحب

والحب ليه صاحب

الحزن ليه صاحب

والفرح ليه صاحب

وانا

انا ع الوعد متصاحب

العشق ليه صاحب

الفرح ليه صاحب

العشق ليه صاحب

الصدق ليه صاحب

الكدب مش صاحب

والضي ليه صاحب

وانا

انا ع الوعد متصاحب

أحب اصاحب كل شئ صادق

ما احس بأى سور بينه وبينه او فارق

وافارق

كل شئ فى الدنيا مش صاحب

احمد منيب

جورج بوش و منى الشاذلي في العاشرة مساءا من البيت الأبيض

الظل فوق الماء

فلتنصهر

عدسات عين المنبهر

سيدخل الخوف من الابواب ظلما

وسيخرج البشر من الثغرات خوفا

افيجهل الناس بان الخوف طعام خوفهم العظيم

وسينتشر

حبات رملك تقتل النوم المقلقل في المدى

الليل صحو المرتعب

الشمس ليل منحدر

يلقاه حتفه

ينتفض

من خلف ساتره المطرز بالسحاب

ينتحب

في ذروة الحرب بين الاوفياء

والحب بين الكارهين

والسلم بين ضفاف موتهم الحصين

لن انسحب

اربعتاشر

حاليا في اكلية احنا بقالنا 3 اسابيع مخلصين امتحانات اخر السنة بتاعة اخر سنة-يارب ان شاء لله- واتقدمت بسبب مشع التخرج بيبقى في القسم بتاعنا-اللي هو عمارة- فردي واصعب من اي قسم تاني

فبعد المتحانات ادونا اسبوع اجازة وبقالنا اسبوعين شغالين في مشروع التخرج وبالمناسبة هو مطار....اي نعم كل واحد فينا هايعمل مطار كامل من بابه...الفكرة بقى ان الواحد ساعات دماغه بتروح شوية لما بعد المشروع ايه اللي ممكن يحصل فبتلف الدماغ وبتحط كل الاحتمالات الممكنة عادي يعني بس لما تيجي تقارن الحتمالات دي بالاربع سنين اللي قبل كدة تحط نقطة ومن اول السطر

اربع سنين عايش تماما مع 13 بني ادم بقعد معاهم اكتر ما بقعد مع اهلي ودة لان الشغل عندنا ساعات بيوصل للبيات ايام واسابيع في الكلية ....السنة اللي فاتت اهلى طول السنة كانو مسافرين برة مصر وانا كنت لوحدي هنا مربوط في الكلية فكان الناس معايا في الكلية وفي البيت لانهم مارضيوش يسيوني لوحدي

صحيح ممكن اكون بعيد شوية بسبب طبيعتي الانطوائية ومايعرفوش عني كتير بس برضو هم اكتر ناس تعرف عني اي حاجة ...كنت سمعت مرة والدتي بتتكلم مع حد عليا وبتقول انها ماتعرفش عني حاجة... مش تقصيرا منها ولا حاجة لكن دة مني انا

في ايام الاجازات والايام اللي مابنشوفش فيها بعض بيبقى عادي مش فارقة ..ماهم متلقحين في الكلية طول الوقت...ماهو كدة كدة هاشوفهم...لو روحت اي حتة هلاقيهم في وشي....كدة يعني بيبقى التفكير اللي في دماغ اي حد فينا

لكن ماقدرتش فعلا اتخيل اننا خلاص مش هانشوف بعض لفترات طويلة جدا وممكن ناس مانشوفهمش خالص بعد كدة....حقيقة التخيل دة مش عارف اركبه في دماغي....زي بالظبط لو اي حد بيحاول يتخيل انه اعمى او رجله اتقطعت صعب جدا

ساعات بحس في وشوشنا اننا مش عاوزين نوعى بالموضوع دة واللي حاسس بيه مش عاوز يعترف بيه لنفسه وبيهرب من ان الواقع دة بقى قريب جدا ....يمكن اكبر حاجة عملت لنا هزة كبيرة هي لما خلصنا الامتحانات بدأنا نتكلم ونفكر في اللي ممكن يحصل بس اقصى حاجة قدرنا نوصلها اننا نحدد يوم في الاسبوع نتقابل فيه وسكتنا عن الموضوع على طول ..وسكتنا لاننا خفنا

يمكن ناس كتير مش هاتقدر تحس باللي بتكلم فيه عشان احنا عددنا صغير ... عشنا على طول مع بعض ....عشان دماغنا واحدة.... قريبين من بعض.... صحيح بنعذب بعض وبنطلع عين اللي جابو بعض لكن احنا اقرب ناس لبعض... لاي سبب ممكن لكن الفكرة ذات نفسها ممكن تحصل لاي انسان بطريقة مختلفة

كان مؤمن-اكيد مؤمن واحد مننا- مرة قال : انا اول مادخلت القسم ماحبيتهوش وكنت عاوز احول مدني او اكمل في معهد السينما بس نفضت لمعهد السينما لما حسيت ان الدفعة دي مليانة رجالة واني مش هلاقي الرجالة دي في حتة تانية

انا فعلا مش متأكد انا عاوز اوصل لايه من كلامي في الموضوع دة لكن اللي متأكد مليون في الميه منه ان الـ 14 انسان اصحابي مش ممكن ابدا اقدر اعوضهم

اليوم خمر

الخنجر المسموم يقطر من أساي ورغبتك"
إضغط عليه بقوتك
إضغط عليه بكل عنفك
وبكل ضعفك
"وبكل خوفك من قتيل لن يقاوم نصل خوفك
...
فاليوم خمر
اليوم عيدٌ ليس فيه حسم أمر
....
تردني الأبواب للأبواب
للمنفى البعيد
طعم الخيانة مثل طعم الخبز في منفايَ
!علقم أو يزيد
طعم الخيانة ذئبة تعوي بأذني
من يبعد الأنياب عني؟
!آه إني
!لست أدري .. أي خاتمة أريد
...
..يا سيدي
أنت المدان فلا تلم
...من كان منهم خائنا
!أو من يكون
أو لم أقل لك أنهم لا يكثرون
إلا إذا قام الزعيم يوزع الخبز الطريّ
فيأكلون ويأكلون
وزعت خبزك كله
"حين قالوا:"لن نخون
لكن لحمك كان أشهى منه حتى إنهم
هضموه فيما يهضمون
أنت المدان فلا تلم
من كان منهم خائنا
!أو من يكون
كانوا جميعا يجلسون
كان الصديق هناك يجلس بينهم
!ورأيتهم
يتناوبون على دماك ويملأون كئوسهم
!ورأيتهم
وصديق عمرك يجرع الكأس اللعينة قبلهم
....
!أعرفت ما طعم الخيانة في أواني صحبتك؟
!في صحتك

عمر هشام

الشتاء

عاد الشتاء
كم كان يفزعنى الشتاء
ويهزنى ألف احتضار
عندما تبكى السماء
لكنهم
بالأمس قالوا
واجهى ما ترهبين
الجبن
شرع الأغبياء
صدقتهم
وصرخت فى وجه الغيوم
واجهتها
حاربتها
أحببتها
أتصدقون؟
أسندت ظهرى للتراب
ورحت أنشد قصتى
لكنها
حين اقتربت من النهاية
أمطرت
فوق التراب
نمت جبال المستحيل
وتهاوت الشمس الوليدة
تحت وطأة جرحها
فدفنتها
ودفنت أشلائى
وأشلاء الرحيل
طرقت باب مدينتى
وسألت عن نفسى
فقالوا
غادرت
هل كان ذنبى أنها
حين اقتربت من النهاية
أمطرت ؟؟

هند خالد

Marv

مارف

الذي لم يدرك احدا مدى جمال نفسه

ولم يدركها هو

قراءات

الفارق بين القراءة لزكريا تامر وابراهيم الكوني

هو كالفرق بين شرب كوب من الماء وشرب فنجان من القهوة

طيور

كلمات الكتابة كالطيور

لن تأتي اليك الا اذا توقفت عن الحركة

ولن تصيدها الا اذا توقفت عن محاولة اصطيادها

عن تامر فتحي عندما قال:ساعات لازم تبطل كتابة عشان تعرف تكتب

ياترى انت فين يا مرزوق

تحديث: كل الكلام اللي في التدوينة دي سخيف وبيتقال عليه لفظ مش ولا بد كدة فلو كنت عصبي او بتتخنق بسرعة او......بتورم بسرعة فنصيحة بجد فعلا ماتقراش الكلام دة لانه.......لأقصى درجة تهييس

من شوية صغيرة وبعد عملية التطهير اللي عملتها من فترة للمكتبة بتاعتي لقيت قصة هستيريا كنت كاتبها انا وصديقي الصدوق محمد صابر من سنين تقريبا وكانت انتشرت في منتدى روايات وحققت نسبة مشاهدة عاليا جدا في وقتها طبعا لما جيت ادور عليها تاني لقيتها اتحذفت من المنتدى لان مالهاش اي معنى ولا اي فايدة الصراحة يعني وكالعادة يعني مالقيتهاش عندي بعدها برضو المهم اني الحمد لله لقيتها بمجرد الصدفة البحتة من خمس دقايق تقريبا ومش عارف هل دة يفرق ولا لا بس كنت باكل وقتها سندوتش جبنة رومي!!!!!!!!! الكصة اهي

ياترى انت فين يامرزوق

تمكنت مديرية امن عاصمة(موزمبيق) من القبض على اخطر لصي صيد اثار وتم احتجازهما في احد الفنادق وتقديم وجبة العشاء لاثبات ان السجون هي المكان الافضلل للولادة-ولادة مواطنين صالحين طبعا-والان يجري التحقيق معهما بواسطة خبير الكرة العالمي المطرب: عبد الفتاح الطويل(ياصفايح الزبدة السايحة)

يدخل المحضر غرفة العمليات لاجراء قرعة-حد معاه شلن؟- بين المشتبه فيهم لمعرفة اي منهم سيبدأ بركلة البداية في سرد احدا الجرائم

المحضر: اسمك ياض انت وهو؟

المتهمين(في نفس الوقت): مالو اسمي؟

المحضر: انت هاتستهبل يا(تيييييت) انت وهو

المتهمين(في نفس الوقت ايضا) : وليه الغلط كدة ياباشا

المحضر: خلص ياض منك له انا مش فاضيلكو... هاحكم في ماتش الاهلي وشباب سجن ابو زعبل

المتهم الاول: هو حضرتك حكم ياباشا؟

المحضر: حكم ومش اي حكم انا حكم اول وحكم مساعد وحامل الراية وحامل في ايدي وردة اهات وذكريات على راي رئيس لجنة الحكام السيد الدكتور وائل كافوري

المتهم الاني: ياباشا انا كدة امشز اس ام اس رسالة شكر الى السيد اللواء هاري بوتر رئيس لجن الفيفا..على مزيكا

المحضر: سيبك من الافلام بتاعتكو دي عشان مستعجل انتو نفذتو الجريمة دي؟

المتهمين( اكيد في صوت واحد):لا

المحضر: طب احلفوا

خارج غرفة العمليات

يخرج السيد المحضر وفي يده ثلاثة اطفال ليعلن عن احدى منتجات الشركة الراعية لهذه القصة ويؤكد عدم ارتكاب المتهمين للجريمة وذلك لانشغالهم بسرقة واحدا من بنوك الحظ(تم بناء سوق وجراج واستراحة في احدى الفيلات ولو مش فاهم حول على مونوبلي -او العب السلم والتعبان ياسيدي) ملحوظة:سيارة المحضر فلوكس صفرا

ويدق المحضر على غرفة العناية المركزة التي يقيم فيها السيد القائد /عبد الفتاح الطويل(تم ذكره سابقا

المحضر: تك...تك...تك

لا يرد احد

المحضر: تك...تك...تك ياام سليمان

تك...تك...تك زوجك وين كان (خاص لمستمعي اذاعة الشباب والرعب

صوت من داخل الغرفة:يدق الباب...اقول هيا...اقول رجعت خلاص ليا(خاص لمشاهدي قناة الفيل للخياطة

يفتح باب الغرفة...يظهر السيد المبجل عبد الفتاح الطويل(قائد عملية بناء احد المخابز الالية)متنكرا في هيئة الغرفة

عبد الفتاح:بخ

المحضر(مداعبا): يامامي...ياويلي..يامبابة...ياعتبة (ممنوع البصق على هذا الافيه

عبد الفتاح:معلش يامحضر اصل كان ورايا ماتش بلاي استيشن

المحضر : ان شاء الله تكون كسبت يافندم

عبد الفتاح: كسبت كل الفرق ماعادا بورنجا

المحضر:-في سره- هي بورنجا دي ورانا ورانا

عبد الفتاح: عملت ايه مع المتهمين؟

المحضر: ياباشا انا واثق انهم ابرياء

عبد الفتاح: ايش عرفك؟

المحضر: عشان كانوا بيتفرجوا على الماتش اللي كنت بحكم فيه فاكيد مش هيلاقو وقت لتنفيذ الجريمة

عبد الفتاح: لا فعلا أثبت لي المرة دي ذكائك

المحضر: بعض مما عندكم يافندم

عبد الفتاح: اكيد اكيد

المحضر: اروحهم يافندم ونعملها قضية فراخ؟

عبد الفتاح: استنى عشان ناخد البيض

المحضر: حاضر يامعلمي.....واحد شاي حليب بوسطة للباشا الكبير

وبعد 9 ساعات وربع يأتي المحضر وفي يده غويشتين فضة وفي كل غويشة متهم

عبد الفتاح للمتهمين: انتو حلفتو انكو ماعملتوش الجريمة؟

المتهمين: اه...حلفنا وخلص بقى عشان في ناس بتقرا

عبد الفتاح: اجابة صحيحة ...تربح 100 دولار مشمشي و 100 ناقة حمراء منقطة بالبمبي

المتهم الاول:احبها ياعمي

عبد الفتاح-يخبط بقبضته على الطاربيزة-: مافيش افراج الا لما تجيب الـ100 ناقة

المتهم التاني: مش احنا اللي كسبناهم سعادتك يبقى ازاي نجيبهم

المحضر بعد موت طويل:احنا نلعب سيف وتعلقوا معايا...واللي يكسب ياخد الـ100 ناقة ومعانا خبير السيف العالمي زكي بشتكها

يدخل زكي بشتكها وتتسلط عليه الاضواء...وسط تصفيق القراء...ولكل دواء دواء...واسأل مدام فيحاء

القراء:مش فاهمين حاجة...قصة اونطا هاتو فلوسنا

احد قراء القصة المهذبين:تيت تيت تاااات تيييييييييييييييييييييت

زكي بشتكها يهدئ القراء من تحت بحيرة الطماطم والبيض الفاسد

عبد الفتاح: خلاص انتو براءة

المحضر: ليه ياباشا الدور لسة مخلصشي

عبد الفتاح: اصل حصل لي ظرف ...وفيه جواب....في حد مات.. ..احدث اغاني شيماء سعيد

احد المتهمين: هو احنا كانت تهمتنا ايه ياباشا؟

المحضر: انا مش عارف . وينظر في حيرة للباشا

عبد الفتاح-في اقوال اخرى الباشا-: تهمة مشروع بناء عمارة في قتل واحد...اسف اسف... الشروع في قتل احد (the طوبة under his الموتى... الله يرحمه ويفشفش (راسه

القراء-في صويت-:الله يخرب بيوتكو احنا هاندي صوتنا لستار اكاديمي

نفس القارئ المهذب: تييييت تيت تااااااااااااااااااااااااااااااااااات ويرفص القارئ اللي جنبه

المحضر: هو مين اللي مات لك يا سعادة الباشا؟

عبد الفتاح -في تأثر-: مااااااااااات حللش....ثم ماااااااااتت رابعة

يغشى على المتهمين ويرفع الستار

ملحوظة:مرزوق هو الذي قام بالجريمة....وهو الان مطرب

------------

في اليوم التالي طالب الجماهير بنقع كلا من مؤلفي القصة في النسكافيه ورميهم بالباتون ساليه

وتحذير محمد ياسر -لانه كان قاعد على القهوة وقتها- بجلده 20 جلده ونص

---------

قام كل من ياسر خاطر ومحمد صابر بكتابة القصة وكان محمد ياسر احد الشاهدين رحمة الله على شهدائنا

وهم الان يقضون فترة النقاهة في احد علب التونة

طفرة

نصف الشمس ونصف القمر

قريبا

أخر رفاعي

يامصر وانتي الحزينة..
يتفرفت ترابك على
ابواب لامسة طوبك..
طوبى للي علق جبينك
ع الشمس زينة..
يانرجسية
لمي جسمك تحت
توبك
عين الغريب
خادشة الحيا
فيا..
انا اللي احترت
منين اضمك
وانتي طهر المجدلية..
انتي اول صدر الكمدات
على جبيني اللي زفزف
وانتي دمي لما بانزف
م الوريد..
ماتعطليش سير المراكب
ولا تجيبي كلب
يكون ليكي سيد..
انتي العشيقة
وانتي المشيئة..
وانتي التراب
ف عز الغربلة..
متبوظيش ياقة
القميص..
واسمك في سورة..
منزلة..
انتي اخر رفاعي
وانتي السم في عروق
الولا..

احمد العايدي

رؤية

زبادي خلاط

ساح يا بداح

يا سؤال

جراح

وقت الناس تسكت ترتاح

ط...ف...ل

تحاكي

ليست الحياة ربيعها

ولكنها الرقص خلال العاصفة

لكن مشكلتي اني

نسيت الربيع

ونسيت كيف اللعب معه

فذابت عواصفي

في خلايا الهواء

لأ

علامة تنصيص؟

لا

نقطة؟ نقطتين؟ شرطة؟طب علامة تعجب؟ لا لا كان اسمها جملة اعتراضية

يبقى اسمها علامة اعتراضية؟ مش عارف

خلاص بقى امري لله

علامة اعتراضية

ااااااااااااااااااااااااااااااااااااااااااااااااااااااااااااااااااااااااااااااااااااااااااااه

علامة اعتراضية تانية