نقاط هي......................................

التدونية رقم 100

هي مش رقم 100 بالظبط يعني لان دي مش اول مدونة كنت مدون قديم وبعد كدة قفلت المدونة القديمة والمدونة دي كنت مسحت كل اللي عليها في لحظات اكتئابية بحتة قبل كدة.. بس برضو اهو انجاز ان الواحد وصل للتدوينة رقم 100 هنا بس برضو ممكن مانقولش عليها تدوينة ممكن تجميعة لان اغلب التدوينات اللي هنا تجميع لشعر وكلمات بتعجبني وكلمات ليا انا شخصيا ..عامة هو الموضوع دة يفرق على حسب تصنيف كل واحد للتدوين معناة ايه

----------------
حين يقولون لي ما يحدث في عالم من الناس البشر قد انفعل او قد تشتعل النيران في افكاري.. لكنني في العموم لا اسكن عقلي معهم وان كنت متواجد .. من يعرف هذا وقليليون هم من يعلمون هذا يدركون حقيقة انني مازلت استوطن السحاب مملكة لي.. اشاهد الناس البشر من الاعلى .. قد يود من بمكاني ان ينظر اليهم ويضحك او يبتسم او على اقل التقدير يريح اعصابه.. لن يفعل ما فعلته من نسيان موقعي و اجتماعي بالجميع لانال صفعات وقبضات معظمهم لكن الخير ان مالا يقتلك يجعلك اقوى

كصقر احيا هناك.. لا بأس من اصابتي بالطلقات من حين لاخر.. لكنك ان درست صفات الصقر تعلم ان في لحظة واحدة قد تنقلب الموازيين

2 comments:

Unknown said...

مبروك على التدوينة المية وعقبال الالف وحلو موضوع الصقر دة انت بتوصفنى ببساطة ..معلش سؤال رفيع هو مؤتمر الويكيمانيا دة عن ايه حاولت اعرف عنه معلومات بس ما قدرتش انا حتى مش فاهمة اسمه -بعض الشرح لن يضير احدا- ماشى؟

ياسر خاطر said...

الله يبارك فيكي يا انجي

وبالنسبة لموضوع الصقر دة اقول لك wellcom in the club

مؤتمر الويكيمانيا يا ستى دة مؤتمر كل سنة بتعمله موسوعة الويكيبيديا وكلمة ويكيمانيا معناه جنون الويكي بيعملو في ايه بقى انا مش عارف بيوصلو لايه في الاخر برضو مش فاهم
قلت اما ادخل بتاع السنة دي مادام في اسكندرية كان قبل كدة في المانيا وتايلاند علما اتذكر
لكن لقيت ان رسم الاشتراك في المؤتمر 80 دولار كدة ان شاء الله
انا اصلا مابحبش المؤتمرات بتبقى خنقة وزحمة وحاجة تقرف