الوصول

كنت مشغول الفترة اللي فاتت جدا ودة كان بسبب حاجات كتير اولها طبعا الشغل ثم ورق الجيش لكن برضيك يا حاج دة مامنعنيش اني اعمل حاجات بحبها واهمها الفيلم دة او نقدر نقول الكليب الصغنطوط (وفي اقوال اخرى السوغنتوت) واللي كان اكتر حاجة حبيتها وتعبت فيها والفيلم اتعرض ف حفل تخرجي اللي كان يوم الخميس اللي فات واعتقد انه لاقى قبول من الناس اللي شافوه

طبعا الفيلما انا مش عامله لوحدي انما كان شريكي في الجريمة صديق الكفاح والعزم محمد عبد الرحمن

كفاية رغي بقى وشوفو الفيلم

يهمني طبعا رأي كل الناس اللي شافت الفيلم وارجو انهم يقولوا رأيهم فيه بصراحة

ملحوظة الفيلم انا قللت الكواليتي بتاعته عشان اقدر ارفعه على النت

7 comments:

إيما said...

دمه خفيف جدا..مؤثر جدا جدا وقلب عليا كل ذكريات وشجن التخرج عشان
الوصول بيكون معناه الفراق

ربنا يجمعكم علي خير دايما ويوفقكم في اللي جي كله كمان
:)

Unknown said...

ماشاء الله ...........مبروك التخرج يا باشمهندس(دلوقتى بقت رسمى خلاص)..جميل الكليب اوى والله بس هى المزيكا دى نوعها ايه اسبانى دى وللا هندى وللا ملتها ايه يا ياسر؟؟؟؟ المهم ان الفيلم جميل الله ينور.......هتروح الجيش؟؟؟ يللا اهو تكفير ذنوب

Unknown said...

اه نسيت اقولك كل سنة وانت طيب

Known as PHYSCO said...

أهلا ياباشمهندس . .طبعا لما أقولك ياباشمهندس تعرف إنى شايلة .. انت عارف الكلمة دى بالنسبة لى شتيمة:)

عامة لإنى أحسن منك .. الكليب لذيذ جدا وده بجد .. أحلى جزء بتاع كيوبان بيت الأغنية دمها خفيف على الهلس اللى كان موجود .. مسخرة جدا

ربنا يديم صداقتكوا وسلملى على خالد .. واوعى تسلم لى على ناس تانية :)

كل سنة وانت طيب ورمضان كريم

ياسر خاطر said...

ايما

سعيد جدا ان الكليب عجبك وارجو انه يكون ضحكك
بس مش دايما الوصول معناه الفراق اللي عاوز يفضل يفضل واللي بيفارق هو اللي بيبقى عاوز يفارق

ربنا يخليكي ويجمع شملك مع كل اللي بتحبيهم يارب

ياسر خاطر said...

انجي



الله يبارك فيكي يابنتي والحمد لله ان الكليب عجبك
المزيكا الصراحة تنويعة من موسيقى الافلام دة معظمهم يعني لو عاوزة اقولهوملك بالظبط متعنديش موانع
واخدت تأجيل لسة امبارح طازة يا دكتورة كمان عشان اقعد لكم واقرفكم كمان وكمان وكمان

وكل سنة وانتي طيبة وبصحة وخير وسلامة وكل حاجة حلوة ان شاء الله

ياسر خاطر said...

سايكو

مممممم مادام وصلت لياباشمهندس يبقى شكلك فعلا متضايقة

ياترى ايه السبب اكيد هاعرف النهاردة
المهم ان الحمد لله الكليب عجبك وعجبتك الحتة المسخرة اللي فيه انا كنت عاوز اعمله كله كدة بس راعينا ان رئيس القسم كان موجود وبتاع فعملت فيها محترم حبة
السلام يوصل باذن الله واللي مش عاوزاه يوصل مش هايوصل حاضر
:D
وكل سنة وانتي طيبة وبخير وبقطايف وكنافة وخشاف عشان انا بحب الخشاف بصراحة