في الاول انا عاوز اعتذر لكل الناس اللي رديت عليها متأخر هنا في المدونة
ودة كان بسبب بعض الاحداث المتتابعة اللي خلتني مادخلش المدونة بداية بمجئ والدي من السفر وبحث مشروع التخرج واجازة نص السنة اللي قررت اخدها في اول اسبوع من الدراسة بعد ما باظت وماعرفتش اروح لا معرض الكتاب ولاغيرو
ثانيا احب احتفل بيوم ميلادي والذي كان يوم الخميس اللي فات الموافق 14 فبراير واللي انا متعود دايما ان الكرة الارضية كلها بتحتفل بيه معايا وكل الناس بيلبسولي احمر مخصوص مع انيمابطلبش منهم كدة بصراحة انا بكتفي بالبلالين اللي بتجيلي يعني الحمد لله
كان بقالي كام سنة بعمل احصائية على اليوم دة بس ماظنش اني هاحطها دلوقتي ممكن السنة الجاية لما احس ان الاحصائية فيها شوية معلومات مفيدة يعني
طبعا مش عاوز اتكلم على كمية خفة الدم اللي باخدها اليوم دة وخاصة الاخ اللي بيسأل على صلاة العيد دي بتتصلى ازاي
عامة كل سنة وانا طيب
وكل سنة وانتو طيبين
وكل سنة والبشرية طيبة
2 comments:
كل سنة وأنت طيب وبخير يا رب
سنة سعيدة عليك وان شاء الله تحقق فيها كل ما تريد
عقبال 100 سنة
:)
شكرا جزيلا يا ايما
وكل سنة وانتي بالف صحة وخير وسلامة
Post a Comment