نسيت

كنت عاوز اقول كلام كتير
بس نسيته
يمكن لما افتكره ارجع تاني لا اكيد هارجع تاني لاني مش عاوز اسكت ومش ناوي ماتكلمش لاني اكتشفت مؤخرا ان الصمت انتيم الوحدة ولو كنت في صحرا كنت هاسمع الهوا بيصفر كنت على الاقل هاتخيل اني بكلم الهوا ودة سهل لاني بعتبر نفسي في اوقات كتير هوا انا كمان يعني ممكن تمشي وتسلم عليا وتتكلم معايا وماتخدش بالكا اني كنت موجود من اساسه
بس عادي
في يوم من الايام هافتكر كنت عاوز اقول ايه يمكن يكون كلام حلو ويمكن مايعجبنيش بس انا متردد لو ماعجبنيش امسحه ولا لا عامة يعني انا مابيعجبنيش حاجات كتير بس اهو نوزن ونشوف الدماغ اللي ورا عنيا دي ناوية على ايه

No comments: